فوووووووووول فوووووووووول

وفى حوار دار بين المواطن محدود الدخل مظلوم الغلبان


وبين السيد المسؤول









محدود الدخل :

صباح الخير ياسياده المسؤول







سياده المسؤول :

صباخ الخير يامحدود عاش من شافك فينك من زمان









محدود الدخل :


لقيت سيادتك زهقت منى قلت أبعد حبه يمكن أزيد محبه









سياده المسؤول :


و إيه اللى فكرك بيا دلوقتى







محدود الدخل :


دوووووووخه ومسكت فى راسى كاااام شهر


جريت على دكتور الشركه بتاعتنا


كشف عليا وقالى عندك أنيميا حاده





سياده المسؤول :

شىء طبيعى وبعدين






محدود الدخل :


كتبلى على روشته مش عارف أصرفها




سياده المسؤول :



ليه الدوا ماهو مالى الأجزاخانات




محدود الدخل :


مش دوا ده نظام غذائى ولازم أمشى عليه





سياده المسؤول :


لحمه .. فراخ.. تفاح .. لبن .. سمك .. وكبده إسكندرانى








محدود الدخل :


حاجات غاليه تتكلف الشىء الفلانى

قلت أجى لسعاتدك تدينى منحه زى المنحه اللى بتيجى لسعادتك من

بلاد بره





سياده المسؤول :


سيبك منه ده أكيد دكتور مجنون مش فاهم حاجه

أنا هابعتك لدكتور تانى جايبيبنه مخصوص علشانك إنت واللى زيك









الدكتور :

شوف يامحدود البروتين صحيح مهم ومطلوب

بس البروتين اللحمه

هايورملك رجليك ويوجعلك عنيك ويجيبلك نقرص


تصرف عليه القرشين اللى حيلتك والقرشين اللى مش حيلتك





محمدود الدخل :


خلاص ياسياده الدكتور خالينا فى بروتين الفراخ






الدكتور :


إنت عارف يا أخى اليومين دول الفراخ عندها إنفلونزا ومليانه هرمونات







محدود الدخل :



أمال هاكل إيه بس






الدكتور :


صدقنى مفيش أحسن من بروتين الفول ماتاكلش غيره لمده خمس سنين


وإذا عشت بعدهم إبقى عدى عليا فى الإستشاره




محدود الدخل :


طيب والفتامينات يادكتور




الدكتور :

فيتامين ب موجود فى خميره العيش اللى هاتاكل بيه الفول






محدود الدخل :


طب وفيتامين ج مش لازم برده نشترى تفاح علشان فيتامين ج




الدكتور :

فيتامين ج موجود فى قشره اللمونه اللى هاتعصرها عالفول


والسكر موجود فى شفطه الشاى اللى هاتشربها بعد الفول


والدهون موجوده فى زيت العربيات اللى هايعملولك بيه الفول




محدود الدخل :

طيب أنا بقالى خمسين سنه باكل فول


تقدر تفهمنى الأنيميا دى جاتلى منين




الدكتور


جاتلك لما فكرت تغير الفول